كل انسان على قد حلمه

اعتقد ان كل شخص سمع الجمله دى
الجمله دى اتقالت فى مسلسل اسمه (محمود المصرى) اللى قال الجملة دى هوا البطل اللى هوا محمود عبد العزيز وعلشان تفتكروا اتقالت فى الحلقة التانية وده نصها
كل انسان على قد حلمه , اللى أكبر أحلامه يبقى موظف حيبقى موظف , واللى أخر أحلامه يشترى بدله جديده حيشترى , أما انا نفسى أمسك نجوم السما فى ايديا .
جملة قد تكون مرت على أذان البعض مرور الكرام
بس فى ناس كمان الجملة دى رشقت فى دماغهم وغيرت حاجات عندهم سواء فى حياتهم فى أهدافهم
وأنا من الناس دى الحقيقة لأنى كنت انسان تافه وماليش أى أهداف فى الحياه غير الاكل والنوم ولو فى شغل حروح أخلصة وأرجع انام تانى
بس بعد ماسمعت الجملة دى فى حاجات كتير اكتشفت انها اهم من النوم والاكل اكتشفت ان ليه مايكونش ليا كيان فى العالم وليا صوت حتى لو كان الصوت ده بينى وبين نفسى بس المهم يكون عندى رأى ويكون ليا فكر انا طبعا بحكيلكم ده لانى نفسى بجد ان كل شاب يحقق ذاته ويكون ليه هدف فى حياته حتى لو حاول ومقدرش يحقق هدفه يكفيه أن ينال شرف المحاولة
أتمنى اسمع ردودكم الجميلة
أحمد سعيد